| |
| 17-22
February, 2004; Dipalpur, Punjab, Pakistan |
| |
|
|
| |
|
|
| |
اک واری تاں بولی میلےپُکارپا دتی۔دنیں بال رونق لائی رکھدےتےشام پیندیاں سار ہی ہزاراں لوکیں میلےدےسارےپڑ نکونک بھر دیندے۔ کئی واری سڑکاں جام ہوئیاں ، تھانواں ملن لئی لوکی بھڑ پئےتےپُلساں پیئیاں۔ میلیاں تےبھیڑ تاں لگ ہی جاوندی ہی، سنگیت، رھس، سینما ایہناں دی چھک ہی بڑی تگڑی ہوندی ہے۔پر بولی میلےتےآون والیاں نوں پوری گل دی سمجھ ہووےجاں نہ ہووے، ایہہ سار ضرور سی بھئی ایہہ چھڑا اک ہور میلہ نئیں۔ایہہ کوئی نویکلی کھیڈ ہے، ساڈی بولی نال مسلےہین،اتےمیلےدا بولی نال ایہناں مسلیاں نال کوئی سمبندھ ہے۔ ساڈا کم ایناں سی جو ہر جی میلےتوں مُڑدیاں اپنی سمجھ بوجھ موجب بولی بارےکوئی نہ کوئی سوال نال لےجائے۔کجھ نہیں تاں چھوٹا جیہا سٹکر ماں بولی، بولو، لکھو،پڑھائو، اپنےسینےتےلا کےپھرےپیا۔
گل ایس توں اگانہہ ودھنی چاہیدی ہے، پر بولی میلہ 2004 تاں اجیہا پہلا موقیا سی جاں انج آکھو جو ایہہ پہلا پڑاءسی۔ساڈی جاچےایہہ اصلوں ساڈےآھر کرن دی ستیا دا امتحان ہئی، جیہڑا اساں چنگےنمبراں نال پاس کیتا ہے۔
کل پنجاب توں آئےپنجاہ توں ودھ سنگیت کاراں پنج دینہہ پرفام کیتا۔ ایہناں وچ دیپال پور دےپنڈاں دیاں ڈھانیاں توں لگ، سیالکوٹ، وزیرآباد دےچمٹےتےگاون والی، اک تارےوالےرحیم یار خان دےگروپ، لہور تےپنڈی دیاں پارٹیاں سبھےشامل سن۔
دو ناچ ڈھانیاں، اک دیپال پور دی اتےبئی راجن پور دی جُھمرپارٹی، دو پتلی تماشےوالےاتےچار تھیٹر گروپ، میلےوچ شامل ہوئے۔پنجاب لوک رھس نےاچیچامیلےکیتےاک ڈرامہ اک پروبھرا اکھر تیار کیتا۔ سرگودھےدےتانگھ وسیب گروپ نےبلھےشاہ دی سنو حکایت پیش کیتا۔ چیچاوطنی دی اک ریتل رھس ڈھانی طوطی صابری گروپ نےناٹک پورن بھگت پرانےڈھنگ نال کیتا۔
پندرھاں سکولاں دےدو ہزار بال میلےوچ رلے۔ انج تاں ساڈےسکولی ویہار دی نینہہ ہی ایس گل تےرکھی جاوندی ہےجو اپنی ماں بولی نوں چھڈ کے، نند کےاگانہہ ودھو تےترقی کرو۔ پر بولی میلےنےایہنوں وی پرتا دتا بھانویں اک دیہاڑ لئی۔بالاں نےسٹیج تےڈرامےاتےشو کیتے: اپنی ماں بولی وچ۔
پتلی تماشےدا اک گروپ تاں ریتل سی تےدُوجا پنجاب لوک رھس دا اپنا نواں gloveپتلیاں والا۔اساں پنج دناں وچ دو روپےدےتن ہزار ٹکٹ ویچے۔جنھاں سنگیاں دی ذمہ واری بالاں نوں ٹکٹ ویچن دی سی، ساری آھری کمیٹی اوہناں تےترس کھائوندی سی!
کچی ٹاکی پنڈاں تھانواں تےاوپن ایئر سینمےنوں آکھدےہن ،جیہڑا اک فلم لےکےپنڈوپنڈ پھردا ہئی۔ پرہن تےٹی وی، وی سی آر ہنیر پا دتا ہےتےکچی ٹاکی مُکدی جاوندی ہے۔ پر اساں اک کچی ٹاکی والا لبھ ہی لیاتےمیلےوچ چار فلماں وکھائیاں۔
میلےوچ اک مشاعرہ وی ہویا تےچترکاراں اپنےکم دی نمائش وی لائی۔ کئی تنظیماں وی اپنےسٹال لائے۔ گل بات دی اک بھرویں بیٹھک جگت گیر ماں بولی دیہاڑ (21فروری) نوں ہوئی۔ بولی تےرہتل دےدس سیانیاں اپنیاں لکھتاں پڑھ سنایاں۔لوک سجاگ دےکامیاں اپنےشاہ مکھی، گرمکھی التھےدےکمپیوٹر پروگرام بارےلوکاں نوں جان کاری دتی۔
ساڈےہالینڈ توں آئےاک سجن نےدس فٹ لمیاں لتاں (stilts)نال بھنگڑا پا کےبالاں نوں ول راضی کیتا، کبڈی دا اک ٹورنامنٹ وی ہویا۔جادوگراں تےبہروپیاں وی اپنےشو سجائے۔
چڑھدےپنجاب توں آئےپروہنیاں میلےوچ واہوا رونق لائی۔ دیپال پور تےآل دوالےدےڈھیر وسنیک چڑھدےپنجاب توں مہاجر ہو کےایتھےوسے، ایس کیتےسرحدپار توں آئےلوک اونہاں نوں کجھ زیادہ ہی کھچ ماردےسن۔دیپال پور دےکالج دےپروفیسراں دی تنظیم پروہنیاں نوں اک پارٹی دتی تےساڈےاک سجن اونہاں دےرہن دا بست وبند کیتا۔
ویزےدیاں مشکلاں پاروں اسیں بوہت سارےسجناں نوں نہیں سد سکے، جیہدا سانوں ہرکھ ہے۔ اسیں آس کرنےہاں جو ایتکی اساں زیادہ سنگیاں نوں میلےوچ نال رلا سکاں گے۔
اساں تمبو گڈ کےمنجیاں بسترےلا کےاتےپرالی وچھا کے600جییاں دےرات رہوون دا آھر کیتا۔ میلےدا کھان پین دا سر بندھ ویکھن گوچرا ہئی۔ اساں نہ نائی سدےتےنہ دیگاں کھڑکائیاں پر پھیر وی میلےدےاخیرلےتن دناں وچ روز دوہزار کھانےورتائی۔ اساں اک پنڈ دے60کمی مائیاں تےجنیاں نال گل ایہہ مکائی جو اوہ اپنی برادری دی اک وڈی جنج نوں روٹی کھواون دا سر بندھ کرن۔اونہاں مٹی دےچلھےاتے بھٹھ بنائی، تےلیپ کےچنگےشنگھارےتےمڑ ون سوّنےساگ، سبزیاں، دالاں پکا کےمیلےدےجانجیاںدا روح راضی کیتا۔
پر زنانیاں میلےتےچھڑی روٹیاں ای نئیں تھپیاں اونہاں میلےدا چس وی مانیا۔ انج تاں اساں اچیچےجتن کیتےہن بھئی اجوکےعام میلیاں وانگ بولی میلےوچ آونا مردانہ کم نہ سمجھیا جاوی، پرمیلےوچ آون والی زنانیاں دی گنتری ساڈی آس توں ڈھیر ودھ سی۔ ساڈی جاچےایہہ ساڈی وڈی کامیابی ہےجو زنانیاں دیاں ڈھانیاں اتےٹبر میلےدےسارےپڑاں دا حصہ بنے۔
اساڈی تریہہ جییاں دی آھری کمیٹی اخیرلا مہینہ تاں دینہہ پر رات میلےدےکماں وچ جُٹی رہی۔ بوہت سارےگھاٹےوی رہ گئےپر بولی میلے2004نےایس ڈھانی نوں ایہہ مان دےدتا ہےجو بیڑا چا لئیےتاں توڑ وی پچاسکنےہاں۔ اساں ہن ایس مان توں اگانہہ ودھنا ہےتےبولی میلےنوں شنگھارنا ہی، ایہدےنویں رنگاں نوں ہور گُوڑھیاں کرنا ہےتےلوک بولی میلےنوں اک نویں پنجاب دی اگھڑویں ریت بناونا ہے۔
ایہہ تاں ہی ہو سکےگا جےہور جی ایس کم وچ نال رلن۔ |
|
| |
|
|
| |
|
|
|
|