17-22 February, 2004; Dipalpur, Punjab, Pakistan               ایہہ پہلی واری واپریاجدوں ایس قصبے دیاں لوکاں نال گالھ مہاڑ اوہناں دی ماں بولی وچ ہوئی۔ سنگیت،رھس،فلم اتے شاعری دی چھک ہزاراں لوکاں نوں گھیر لیائوندا- پُتلی تماشے نے بالاں اتے زنانیاں دی کھچ ودھاوڻ وچ حصہ پایا۔ایس قصبے وچ میلہ ایس لئی وی بہوں تگڑا رہیا،جو میلے وچ پرجوہے وسڻیکاں دے آون دی وجہ کر کے کوئی ایس موقعے نوں گواڻا نہیں سی چاہندا۔       سنگیت کلا میلے وچ سبھ توں سِر کڈھ رہی۔گاوڻ والیاں اتے سنگیت کاراں پنجاں وچوں تن راتاں سڻن والیاں نوں موہی رکھیا۔ سموچے پنجاب تون سگیت کلا اتے ساز وجاوڻ والے کلاکاراں آپڻی کلا راہیں میلے وچ حصہ پایا۔                           میلے وچ بہوں سارے نویں اتے ریتل رھس کھیڈڻ والیاں وی بھاگ لیا۔ پنجاب لوک رھس نے اچیچ نال ماں بولی دے مسلے تے ہک رچنا دی وکھالی کیتی۔ پرانے کسبی اتے نویں ہتھ پتلی تماشے نے وی ہزاراں بالاں نوں آپڻی چھک دے کلاوے وچ گھتی رکھیا۔             میلے وچ زبان دے مسلے دیاں ڈھیر پکھاں تے گالھ مہاڑ وی ہویا۔دیپالپور دے وسنیکی سوجھواناں توں وکھ سموچے پاکستان اتے بھارت توں آئے سوجھواناں وی گالھ مہاڑ دی بیٹھک وچ رلت کیتی اتے ماں بولی بارے لیکھ وی پڑھے۔ ہک پوری رات پنجابی مشاعرے دی چھک نے لوکائی نوں بنھی رکھیا۔ زنانیاں دی ہک وڈی گنتی نے وی بولی میلے وچ رلت کیتی جد کہ عام ہوڻ والیاں میلیاں تے زنانیاں دی گنتی اُکا ای نئیں ہوندی۔ میلے وچ کبڈی اتے ہورناں تماشیاں نے میلے دیاں رونقاں نوں بڑا ودھایا۔ ہالینڈ توں میلے وچ بھاگ لیڻ والے ساڈے ہک سجن دی سوٹیاں تے چڑھ کے بھنگڑے پاوڻ دی کلا والی میلے دا اُچیچا پکھ رہیا۔ چڑھدے (بھارتی) پنجاب توں آئی پروہنیاں دی ہک ڈھاڻی نے وی میلے دیاں موجاں تے رنگاں وچ وادھا کیتا اتے باہلے لوکاں لئی ایہہ نہ بھلڻ والا موقیا سی۔               اساں ہک دینھ وچ دو ہزار توں ودھ کھاڻے ورتائے اتے آئے پروہڻیاں دی رات گزاری لئی چھ سو منجی بسترے دا وی سر بندھ کیتا۔       Complete Boli Mela 2004 Album Back to main page
	Suggestions and technical information about the website Email: webmaster@lokpunjab.org Institute of Development Information (IDI)